- Kommuninut nutaamik aaqqissuussineq, maanna borgmesteriusut pigiinnarnerisigut, allaffissuillu allanik atsiinnarnerisigut, pisarissersorneqarnavianngilaq.
Oqaatsit taakku atorlugit Nuummi Siumut-p siulittaasuata, Lars-Emil Johansenip, borgmesterit arlallit piffissami kingullermi oqaasiinut isumaqataannginnini, ersersippaa.
Borgmesterimmi arlallit oqarput, kommunit 18-iujunnaarlutik sisamaannanngoraluarpataluunniit najukkaminni borgmesteritut ingerlaannassallutik.
- Naalakkersuisut kommunit kattussuunnissaannik suliniutaat tamakkiisumik tapersersorparput, Siumut Nuup qularinngilaa kommunini allaffissornikkut aningaasartuutit annikillisinneqarujussuassasut, taamattaaq inunnik nunaqavissunik atuilluarneq piviusunngorsinnaalissasoq, Lars-Emil Johansen oqarpoq.
- Soorunami najugarisami oqartussaaqataaneq qulakkeerneqassaaq, kisianni nutaanik atsersuinerinnakkut tamanna pissanngilaq, pisariillisaanerunavianngilarmi, Siumut Nuup siulittaasua naggasiivoq.