Nutaaliortut nersornaaserusuppaat
Aallarnisaasunut suliniuteqartunullu akissarsisitsinissamut ulloq killigititaq Kommuneqarfik Sermersuup sivitsorpaa. Inunnut ataasiakkaanut eqimattakkaanulluunniit innuttaasut novembarip 14-iata tungaanut taamalillutik innersuussisinnaanngorput.
Allattoq Carla Davidsen
Ataqqinaaserneqarnerup saniatigut 15.000 koruuninik pissarsissapput. Malunnaatilimmik suliniuteqarsimasunut taama nersornaasiisoqartarpoq - soorlu inuussutissarsiornikkut, kulturikkut inuiaqatigiinnulluunniit tunngasunik suliaqarsimasunut taama akissarsisitsisoqartarpoq.
Akissarsisitsineq decembarimi pisarpoq, ukiumulli pingasoriarluni agguaanneqarsinnaalluarpoq.
Innersuussinermut immersugassat kommunip nittartagaani aaneqarsinnaapput, najukkamili kommunip allaffianut aamma aallertoqarsinnaavoq.