Nutaaliorluni peqqissaasussarsiortoqarpoq

Dronning Ingridip Napparsimmavissuata sulisussarsiorluni qaaqqusineranut, Københavnimi nunat Avannarliit aallartitaqarfianni Nordatlantiske bryggemi ippassaq unnukkut ingerlanneqartunut, peqqissaasunngorniat 50-it takkupput.

Qaaqqusisut assut neriulluarput. Dronning Ingridip Napparsimmavisuuani peqqissaasut pisortaat Majbritt Andersen neriuppoq ukioq ataaseq qaangiuppat takkuttut amerlanersaat nunatsinnukarumaartut.

- Ukiorluunniit ataaseq sulisinnaagunik naammappoq, amerlanerilli qaammatinit pingasunit sivisunerusumik nunatsinniinnissartik akunnagisarpaat, Majbritt Andersen oqarpoq.

Nuummi Dronning Ingridip Napparsimmavissuani peqqissaasunut atorfiit 133-iupput, affangajassuili suli inuttaqaratik.

Dronning Ingridip Napparsimmavissuata nutaaliorluni sulisussarsiornini manna nangillugu ussassaarisarfimmik aappaagu nunatsinnut suliartoqqusilluni ussassaarisussamik suleqatissarsisimavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat