NUSUKA namminersornerlu

Allattoq Karsten Sommer
maajip 19-at 2005 17:41

Naalakkersuisut kiisalu Nunaqavissut Suliffiutillit Kattuffiat, NUSUKA, ullumi isumaqatigiissummik atsioqatigiipput, isumaqatigiissummi qulequtarine-qarluni nunatta namminersortunngornissaa siunissarlu ataatsimoorussaq.

Illuatungeriit atsioqatigiinnermikkut pingaartippaat namminersulernissami piginnaasatigut pisarialimmik ineriartortitseqatigiinnissaq.

Isumaqatigiissutip tunngavigisai pingaarnerit tassaap-put ilinniarluarsimassutsip qaffassartariaqarnera, taamalu ilinniaqqittarnermut nutaamik ilinniagaqar-tarnermut periarfissanik pitsaanerulersitsinissaq.

-Matumani aalajangiisuunngilaq qaqugu namminersulernissarput aalajangiisussalluni qanorpiaq namminersulerumaarnersugut, NUSUKA-p siulittaasua Gerth Broberg Lynge oqarpoq.

NUSUKA-p, ukiup ataatsip matuma siornatigut pilersinneqartup, siulittaasuata siunertarinerarpaa ilaasortamik 60-iusut najukkani suliassat pillugit paasissutissanik pilersortuarnissaat, taamaaliornikkut suliassanut piareersarneq pikkorissarnerlu pilertor-tumik aallartisarsinnaaqqullugit.

NUSUKA maanna Uummannami, Sisimiuni, Maniitsumi Nuummilu immikkoortortaqarpoq.