NUSUKA: Naalakkersuisut inatsimmik unioqqutitsipput

Inissianik 84-inik suliariumannittuussarsiuunneqanngitsumik Naalakkersuisut Permagreen A/S-imiit pisisimanerarlugit sulisitsisut peqatigiiffiannit NUSUKA-mit pasillerneqarput.
juulip 23-at 2010 06:04

- Inissianik pisinerup nalaani suliariumannittussaarsiuussineqanngitsumik pisineq inatsisitigut toqqammavissaqanngitsoq, Nusuka-p siulittaasua Gerth B. Lynge ineqarnermut Naalakkersuisumut Jens B. Frederiksenimut ammasumik taamatut allagaqarpoq.

Inissianik pisinerup isumaqatiginniutigineqarsimanerat inatsisitigullu tunngavilersuutigineqartut nassuiarneqarnissaat, sulisitsisut peqatigiiffiata Nusuka-p Naalakersuisumut allagaqarnermini piumasaraa.

Inissiat pineqartut Permagreen A/S-imit pisiarineqarput. Gerth B. Lyngelu malillugu inissiat taakkua 84-it Naalakkersuisunit 2009-ip naalernani pisiarineqarnerannik isumaqatigiissuteqarnerani sanaartorneqalereersimallutik.

Nusuka isumaqarpoq sanaartukkat annikitsukkuutaarlugit

suliffeqarfinnut mikisunut akunnattunullu neqeroorutigineqarsimasussaagaluartut. Taamaaliornikkut suliffeqarfiit mikisut akunnattullu sanaartornermut neqerooruteqarsimasinnaangaluarmata.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq