NUSUKA: Ilinniarnermi piumasaqaatit sakkortunerusariaqarput

Ilinniartitaanermut millionerpassuarnik aningaasaliilussinnaqqissanngikkaanni siunertalimmik aqutsinissaq pilersaaruteqarnissarlu pisariaqarpoq. Taama nipilimmik nunatsinni nunaqavissut sulisitsisut kattuffiat Naalakkersuisunut, aappaagumut aningaasanut inatsisissatut siunnersuumminnik saqqummeeqqammersunut mianersoqqussuteqarpoq.

Nunaqavissut sulisitsisut kattuffiata NUSUKA-p siulittaasua Gerth Lynge ima tunngavilersorpoq:

- Aningaasarparujussuit immikkoortinneqarput, aningaasarparujussuillu ukiuni amerlasuuni ilinniartitaanermut atoreernikuuagut. Ilinniartitaanerup ingerlasimanera pillugu misissuinitta takutippaa ukiuni 20-ini kingullerni, 1980-imiit ukioq 2000-imut, tassani malunnarsivoq aallartissimasut 33 procentiinnaat ilinniarnerminnik naammassinnissimasut. Ilinniartitaanermut tapisiat aallaavigalugit naatsorsuigatta paasivarput; ukiuni 20-ni 1,5 milliarder koruunit missaat aningaasartuutigineqarsimasut. Isaasalerlugu siunertaqanngitsumik atorsimavagut.

Tamanna pillugu NUSUKA, nunatsinni ilinniartitaaneq ilinniagaqarsimasut sulisinnaasullu pillugit sukumiisumik misissuisitsisoqarnissaanik kissaateqarpoq.

- Aamma angorusukkaluarparput, aningaasaliisartut tungaanniit, ilinniartunut, sanaartornerullu iluani sullissisunut piumasaqaatit sakkortunerujussuanngornissaat. Akissaqanngilagut taamatut ingerlajuaannarnissatsinnut, ilinniarsimasunik taama amigaateqartigaluta.

Sanaartornermik ilinniarfimmi Sisimiuniittumi ukioq manna ilinniarumallutik qinnuteqarsimasut 330-iupput, NUSUKA-llu paasisai naapertorlugit qinnuteqartunit 70-iinnaat praktikkerfissarsisimapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat