Nungusaataanngitsumik inooriaaseqarnermut tunngatillugu nersornaasigassamik innersuussisoqarsinnaalerpoq

Nunani Avannarlerni Siunnersuisooqatigiit avatangiisinut nersornaasiuttagaannut 2016-imut kalaallinik piukkussanik innersuussisoqarsinnaalerpoq.
Savalimmiut ukioq kingulleq toqqagaapput. Assi © : Nordisk Råd
Allattoq Charlotte Holten-Møller
marsip 25-at 2016 13:34

Ukioq manna avatangiisinut nersornaasiinissami Nunani Avannarlerni atortut digitaliusut atorlugit nutaaliorneq nungusaataanngitsumillu inooriaaseqarneq qulequtarineqarpoq.

Nersornaat 350.000 koruuninik aningaasartaqarpoq.

Suliffeqarfimmut, kattuffimmut inummulluunniit tunisassiamik allatulluunniit pilersitsiviusumik suliniuteqarnermik isumassarsiorfiusinnaasumik, Nunani Avannarlerni atortut digitaliusut atorlugit, nutaaliornermut nungusaataanngitsumillu inooriaaseqarnermut suleqataasimasumut tunniunneqassaaq.

Ukioq manna piukkunneqartunik innersuussinissamut piffissaritinneqarpoq pingasunngorneq, apriilip 20-at. Nersornaallu Nunani Avannarlerni Siunnersuisooqatigiit ukiamut ataatsimeersuarneranut atatillugu tunniunneqassaaq.

Nunani Avannarlerni Siunnersuisooqatigiit nittartagaanni piukkussinermut innersuussinermut immersugassaq uani aaneqarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq