Nunavut ilaani imigassaq matuneqarpoq

juulip 04-at 2007 15:11

Nunatsinniinnaanngitsoq, aammali akitsinni imigassamik matusigallartoqarpoq.

Nunavumi illoqarfiit ilaanni Qorlortumi imigassamik tuniniaaneq illoqarfiup kommunalbestyrelseanit matuneqarpoq.

Qorlortumi imigassamik tuniniaanermik matusigallarneq politeeqarfiup matuneqarluni suliarineqarneranik pissuteqarpoq.

Politiit allaffeqarfiat asbestimik nassaarfiusimavoq, taamaammallu matugallarneqarsimalluni.

Politiit allaffeqannginnermik nalaani imigassap matuneqarallarnissaanik kommunalbestyrelsemut qinnuteqarsimapput, qinnuteqaataallu akuerineqarsimavoq.

- Matusinissamik akuersinerput innuttaasut ilaasa akueriuminaatsippaat, politiilli allaffeqanngimmata, imigassamik matusinissaq akuerisariaqarsimavarput, Qorlortup borgmesteria Allen Nittaanatsiaq oqarpoq.

Asbesti silaannarmiileraangami puannut ajoqusiisinnaalersarpoq kræfteqalissutaasinnaallunilu, taama CBC northimi aallaaserinnittoqarpoq.