Nunavut eqqartuussivia attaveqarnikkut ajornartorsiortoq

Nunavumi angutip eqqartuussaasussap inoqatimut attaveqariaasia eqqartuussiveqarfimmi atorneqarsinnaanngilaq. Tamanna Nunavumi angutip tusilartup eqqartuussaanermini misillerfigaa.

Nunavumi angut 30 sinnerlugit ukioqartoq pineqartoq arfinilinnilli ukioqarluni tusilartunngorsimavoq, taamanerniillu oqaluttut isiginerisigut ussersornikkullu inunnut allanut attaveqartunngorsimalluni. Angullu pineqartoq inersimasunngorluni assigiinngitsunik pinerluuteqartarnini pillugit eqqartuussivimmut sassartinneqarpoq, eqqartuussinermilu angutip attaveqariaasia immikkut ittuummat angut iluamik paasinartumik attaveqarfigineqarsinnaasimanngilaq.

Tamanna pillugu angutip illersuisuisa pingasut illersuinertik unitsippaat, angutip ussersornerisa eqqortumik nutserneqarsinnaanerat qulerutigalugu. Tamanna pillugu Nunavumi eqqartuussivik ajornartorsiuteqalerpoq, siornagut naapinneqarsimanngitsumik, tassami kikkulluunniit peqqissut innarluutillillu eqqortumik eqqartuussaanissaminnut pisinnaatitaaffeqarmata.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat