Nunavummi 60-it tunillatsissimasut: Nunavummi naalakkersuisut matusinissamik nalunaaruteqarput

Nuunavummi covid-19 siaruaammat Nunuvut tamaat matussaaq.

Nunavimmi tunillatsissimasut 60-it maanna uppernarsarneqarsimasut, nutaarsiassaqartitsivik CBC paasissutissiivoq.

Nunavummi covid-19 siaruaatipiloormat Nunavut matuneqassaaq. Nunavummi naalakkersuisut siulittaasuata Joe Savikataap Nunavummilu peqqinnissaqarfimmi oqartussat CBC Northimut ataasinngornermi oqaatigaat.

Matusineq pisortat allaffeqarfiinut peqatigiinnullu tamanut atuuppoq, sulisullu angerlarsimaffimminiit sulititaapput.

Timersornermi aaqqissuussat tamarmik unitsinneqarput, neriniartarfiillu imerniartarfiit aamma matuneqarput, soorlu atuarfiit meeqqeriviillu aamma matuneqartut.

Ajornartoornermi ikiortittoqarsinnaavoq, peqqissaaviilli Qeqertanilu napparsimmavik aamma matuneqarput.

- Taama iliorneq imaannaanngitsoq ilisimavarput, Nunavummili innuttaasut peqqissusaat pillugu taama iliortariaqarpugut, Joe Savikataaq CBC Northimut oqarpoq.