Paasissutissat qarasaasiani nassaassaasut Nunavummi naalakkersuisunit pissarsiarineqaqqinniarneqalerput, suliarlu taanna annertungaatsiarluni. Toqqorsivimmit assiAssi: Norse // maps.norsecorp.com

Nunavup naalakkersuisuisa qarasaasiaminnut inatsisaatsuliorlutik isertut akiliiffigerusunngikkai

Nunavummi naalakkersuisut qarasaasiaat unioqqutitsilluni iserfigineqarmatali maanna sapaatip-akunnera qaangilaarpaa, naalakkersuisullu toqqartaataat tamangajammik taamaasillutik atuarneqarsinnaajunnaarlutik.

Nunavummi naalakkersuisut qullersaqarfiilu qarasaasiaat arfininngornermi novembarip ulluisa aappaanni virusinipput, qarasaasiat ramsomwaremik taaneqartartumik allakkanik atuaasinnaajunnaarsitsisartumik virusilerneqarlutik.

Paasissutissat qarasaasiani nassaassaasut Nunavummi naalakkersuisunit pissarsiarineqaqqinniarneqalerput, suliarlu taanna annertungaatsiarluni.

Nunavummi naalakkersuisut allattoqarfii 2000-it missaannik qarasaasiaateqarput, Nunavuullu sinnerani allattoqarfinni qaraasiat 3000-it missaanniillutik. Qarasaasiat taakku aamma atorneqarsinnaajunnaarsinneqarput.

Qarasaasiat arlaannaalluunniit ajornartorsiutip aaqqinneqannginnerani atorneqassappat paasissutissat annaaneqassapput.

AAMMA ATUARUK Nunavummi naalakkersuisut qarasaasiatigut saassunneqartut

Allagaatit atuarneqarsinnaaleqqinnissaannut akiliisoqaqqaassasoq qarasaasiatigullu iliuuseqarniartoqaraluarpat paasissutissat tamarmik annaaneqarsinnaasut qarasaasiatigut saassussisut qarasaasiaq atorlugu nalunaaruteqarput.

Nunavuulli naalakkersuisuisa siulittaasuata Joe Savikataap oqaatigaa saassussisut akilerneqarnavianngitsut.

Joe Savikataap ajornartorsiutaasoq unissaanngitsumik aaqqiissuteqarfiginiarlugu Nunavut Newsimut oqaatigaa. Qarasaasiatigullu toqqortaatinut backuppit atorlugit allagaatit pissarsiareqqinniarneqaleruttornerarlugit.

Allagaatit inunnut tunngasunik soorlu peqqinnissamut aamma ilaqutariinnermut, inatsisinut aningaasanullu tunngasunik paasissutissartallit pissarsiarineqaqqinnissaat naalakkersuisunit pingaarnerutinneqartut taassuma saniatigut oqaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat