Nunavummi naalakkersuisut qarasaasiaat sapaatit akunneri marluk matuma siorna virusilerneqarmata sulisut qarasaasiaminnut e-mailimminnullu isersinnaajunnaarnerannik kinguneqarpoq.Assi: Friscocali/Flickr Creative Commons

Nunavummi qarasaasiatigut virusimik saassussisoqareersoq nalinginnaasumik akissarsitsisoqartoq

Nunavummi naalakkersuisut qarasaasiaat sapaatit akunneri marluk matuma siorna avataanit iserfigineqarnerisa kingorna ajoqusermata Iqalunni innuttaasut akissarsiassaat tunniunneqarsinnaasimanatik, sapaatip akunnerata naanerani kiisami tunniunneqarput.

Qarasaasiat avataanit iserfigineqarlutik ajoquserneqarmata, Iqalunni aamma nunaqarfinni inoqarfinnilu innuttaasut akissarsiassaat naalakkersuisunit tunniunneqarsinnaasimanngillat.

Taamaattumik Nunavummi Naalakkersuisut sapaatit akunnerini marlunni kingullerni faxit allakkat oqaraasuaatillu atortariaqarsimavaat, qarasaasiat 5000-it missaannik amerlatigisut atorsinnaasimannginneranni.

AAMMA ATUARUK Nunavummi naalakkersuisut qarasaasiatigut saassunneqartut

Nunavummi qarasaasialerisut qarasaasiat aaqqinniarlugit ulloq unnuarlu sulipput, maannalu tassa akissarsiat akiligassallu tunniunneqarsinnaalerput.

Qarasaasiat nalinginnaasumik atorneqarsinaalernissaat ingerlaannaq pinavianngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat