Nunavummi inissialiornissamut aningaasarpassuarnik Canadami Naalakkersuisut neriorsuisimagaluartut, inissiat nalinginnaasumik ajorluinnartut, Nunavut sinnerlugu Canadami inatsisartunut ilaasortaq Mumilaaq Qaqqaq oqarpoq. Assi: Friscocali/Flickr Creative Commons

Nunavummi politikeri: Inissiat pitsanngorsarneqartariaqarput

Nunavummi inissialiornissamut aningaasarpassuarnik Canadami Naalakkersuisut neriorsuisimagaluartut, inissiat nalinginnaasumik ajorluinnartut, Nunavut sinnerlugu Canadami inatsisartunut ilaasortaq Mumilaaq Qaqqaq oqarpoq.

Inissianik pitsaasunik amigaateqarnerujussuaq Mumilaaq Qaqqaq nunaqarfinnut tallimanut tikeraarami uppernarsivaa.

Nunaqarfinni tallimani tikeraagaani tamani inissianut pitsaanerusunut utaqqisut 100-uupput. Tassa utaqqisut katillutik 500-it missaaniipput.

Canadamiut ministeriunerat, Justin Truduau Nunavummut siorna tikeraarpoq, taassumalu Nunavummi naalakkersuisut suleqatigalugit nutaanik illuliortitsinissamut 290 millionit dollarsit tassa 1,4 milliardit koruunit neriorsuutigai. Nittartakkatigut nutaariassaqartitsivik, CTV news taama allaaserisaqarpoq.

Maanna ukioq ataaseq qaangiussimalerpoq, susoqarpallaaranilu taamaattumik ajornartorsiutip annertuup malugineqarnissaa ersersinniarlugu Mumilaaq Qaqqaq atsiornernik katersiluni aallartippoq.

Pitsaasumik angerlarsimaffeqarsinnaatitaaneq

Inatsisartunut ilaasortap illuni erngup kuuffii manngertornisut, iikkat isugutattut oquttullu inoqatigiit nittartakkatigut attaveqatigiittarfiannut assilisani takutippai illullu ”karsitut oquttutut” taallugit.

Inuit peqqinnartumik isumannaatsumillu angerlarsimaffigissaarnissartik pisinnaatitaaffigigaat Twitterikkut allaaseraa.

Najugaqarfinni inuiaqatigiit sapinngisaminnik iliuuseqarput, isumalluutaalli killeqangaatsiarput

Canadallu naalakkersuisui annikippallaamik iliuuseqarput, Twitterikkut allappoq.

Mumilaaq Qaqqap naggueqatigiit inuit inuuniarnermikkut atugaasa pitsaanerulernissaat pillugu 2019-imi qinigaagamili sulissutigilerpaa.

  

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat