Nunavummi parnaarussaasartut amerlanerusut
Aammattaaq Nunavummi Northwest Territoriesimilu parnaarussaasartut innuttaasut amerlassusaannut agguaqatigiissillugit Ruslandimi, Brasiliami, Amerikap kujataani G-20-milu nunani allani parnaarussaasartunit amerlanerupput.
Nutaarsiassaqartitsivik CBC North nittartakkamini taama allappoq.
Nunap ilaani eqqaaneqartut namminersortuugaluarunik Nunavut nunani G-20-niittuni parnaarussaqarnerpaat aappaatut inissisimassagaluarpoq, Northwest Territoriesilu pingajuattut inissisimassalluni, Rusland sisamaattut Yukonilu tallimaattut.
G-20-mi nunani innuttaasut amerlassusaat malillugu sanilliussigaanni parnaarussaqarnerpaat USA-mit taamaallaat qaangerneqarput. Yukonimi 94-it, Northwest Territoriesimi 189-it Nunavummi 136-t parnaarussaaqqanngikkunik tigummigallarneq arput, taamaanngikkunilu suliaq eqqartuussivimmi suliarineqarsiivaat.
Statistics Canadami parnaarussaaqqasutut nalunaarsoqqasut amerlassusaat aamma pasisanik eqqartuussaasussanik ilaqarput.
Tamannalu Nunavummi Northwest Territoriesimilu kisitsisit qaffasinnerannut peqqutaaqataasoq, eqqartuussissuserisup Caroline Wawzonekip Northwest Territoriesimi Yellowknifeimeersup CBC Newsimut siusinnerusukkut oqaatigaa.