Imigassanik aalakoornartutalinnik Juullikkunni ukiutoqqamilu nioqquteqartoqarsinnaannginnissaa Nunavummi nunaqarfinni innuttaasut ukiaq mannali aalajangerpaat.Assi: Lindsay Nicole Terry/ Wikimedia Commons

Nunavummi nunaqarfiit arlallit juullikkunni ukiortaamilu imigassamut naaggaartut

Nunavummi Qeqertaalummi nunaqarfinni sisamani Juullimi ukiutoqqamilu ukioq manna eqqissisimaarfiuvoq, nunqarfinnimi taakkunani imigassanik aalakoornartutalinnik ukioq manna nioqquteqartoqarsinnaajunnaarsitsisoqarpoq.

Nunaqarfinni sisamani Kangertugaapimmi, Sanirajammi, Kinngaanni Kimmerummilu imigassanik aalakoornartutalinnik Juullikkunni ukiutoqqamilu nioqquteqartoqarsinnaannginnissaa nunaqarfinni taakkunani innuttaasut ukiaq mannali aalajangerpaat.

Imigassat aalakoornartutallit Nunavummi nunaqarfinni tamani nalliuttuni inerteqqutaasariaqartut, imigassat pillugit Kangertugaapimmi ataatsimiititaliap siulittaasuata Patrick Palituup CBC News imut oqaatigaa.

Nunavummit Canadamilu sumiiffinnit allanit Kangertugaapimmut nunqarfinnullu allanut Juullikkunni tikeraartoqartartoq, Palituup aamma oqaatigaa:

- Tikeraartut tikilluaqqusaasutut misiginissaat kissaatigaarput, aalakuttullu ernummatigisariaqassanngikkaat isumaqarpugut, Patrick Palituq oqarpoq.

Sanirajammi ataatsimiititaliameersup Lauren Angugatsiaap CBC-mut assingusumik aamma oqarpoq:

- Nunaqarfitta nuannersuunissaat kissaatigaarput. Meeqqattalu toqqissisimanissaat kissaatigaarput, imigassallu aalakoornartut nalliuttuni taamaammat nioqqutaasannginnissaat kissaatigaarput, Lauren Angugatsiaq oqarpoq.

Kinngaanni ilaqutariit nalliuttuni isumannaatsuunissaat aamma anguniagaavoq, imigassallu tamanna pillugu nalliuttuni nioqqutaaneq ajorlutik. Lauren Angugatsiaq taama oqarpoq.

Nunavummi nunaqarfiit aqqaneq-marluk imigassanik nioqquteqarsinnaaneq namminneq aalajangiiffigisinnaavaat, nunaqarfinnilu arfinilinni imigassanik aalakoornartulinnik ukioq naallugu nioqquteqaqqusaanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat