Nunavummi nuna sajuttoq
Nunavummi nuna ippassaq sapaammi ualikkut sajuppoq.
Allattoq Marianne Stenbæk, Montreal, Canada
Nutserisoq Mads Lynge
Nunavuup avannaani nunaqarfimmit Qaasuitsumit kujammut kangisimmut 89 kilometerinik ungasitsigisumi nuna sajuppoq.
Nuna Richterip nunap sajuttarneranut uuttuutaa naapertorlugu 5,8-mik sajuppoq, nunallu sajunnerata qiterpiaa Barrowip ikerasaata naqqaniippoq.
Nick Ackerleyp, nunap sajuttarneranik Canadami nakkutilliisoqarfimmeersup Global Newsimut oqaatigaa inunnik ajoqusertoqanngitsoq, nunaqarfiullu innuttaasui ernumassanngitsut.
Nunaqarfik Qaasuitsoq, Resolute Bayimik aamma taaguutilik, Cornwallisip qeqertaaniippoq, Sullualummi, 230-nillu innuttaqarluni.