Nunavummi naalakkersuisut siulittaasuat taarserneqalersoq

Nunavummi naalakkersuisut siulittaasuata Peter Taptunap sapaatip akunnerani uani nalunaarutigaa naalakkersuisut siulittaasuattut tunuarniarluni, novembarimi qinerisisoqalerpat qinigassanngortinniarani.

Peter Taptuna 2013-imili Naalakkersuisunut siulittaasuuvoq Nunavuullu oqaluttuarisaanerani naalakkersuisut siulittaasuisa pingajoralugu.

Taptunap nutaarsiassaqartitsivimmut CBC Newsimut oqaatigaa tunuarnini inuttut atukkanit paatsiseqartoq  

Nunamik taama isorartutigisumik Nunavuttut ittumik angallavigineqartariaqartumik naalakkersuisunut siulittaasuulluni ilaqutariinnut imaannaangitsuuvoq, Peter Taptuna oqarpoq. Nunavut Kalaallit Nunaannit minnerulaarpoq.

Nunavummi inatsisartunut novembarip qaammataani qinerisisoqareerpat, Naalakkersuisunngortussat kina naalakkersuisunut siulittaasunngussanersoq qinissavaat. 

Nunavummi parteeqanngilaq.