Nunavummi piiaaffimmi sulisut qulit covid-19-imik tunillatsissimasut inuillu arfinillit nakkutigineqartut, Michael Petterson, paasissutissiivoq. Taamaammallu covid-19 tuniluuppallaarunnaariartortoq taanna isumaqarpoq.Assi: Friscocali/Flickr Creative Commons

Nunavummi kuultisiorfik coronamik tuniluuffiuallaarunnaartoq

Nunavummi kuultisiorfimmi, Hope Bayimi, coronap tuniluutingaatsiarnera maanna nakkutigineqalerlunilu killilersimaarneqalerpoq.

Nunavut News taama allaaserisaqarpoq.

Inuit marluk kuultisiorfimmut septembarimi tikinnerata kingorna corona tuniluutilerpoq.

Piiaaffik piaartumik matuneqarpoq, angerlarsimaannaqqusaaneq atuutilerluni, kuultisiorfimmiillu aallartoqaqqusaajunnaarlunilu tikittoqaqqusaajunnaarpoq. Nunavumiillu immikkut coronamut suliaqartut aallartinneqarput, piaaffimmi sulisut allat misissorneqarniassammata.

Kuultisiorfik Hope Bay Nunavummi illoqarfimmit Iqaluktuuttiaq-mit Cambridgemi aamma taaneqartartumik 125 km-sut ungasitsigisumiippoq.

Coronavirusi kuultisiorfimmi kisiat tuniluummat, Nunavummi innuttaasunut tuniluunnera annikitsuaraasoq, nakorsaq Michael Patterson, Nunavut Newsimut oqarpoq. Taanna Nunavummi peqqinnissaqarfimmi kiffartuussisuni pisortaavoq.

Siullertut kuultisiorfik illoqarfimmut ungasittumi inissisimavoq aamma kuultisiorfimmukartut kuultisiorfimmiillu angalaniartut piaarnerpaamik unitsinneqartarput. Piiaaffimmi sulisut kuultisiorfimmi mattusimasussaatitaanertik, angerlarsinnaatitaannginnertillu nikallungassutigivaa.

Nunavummi piiaaffimmi sulisut qulit covid-19-imik tunillatsissimasut inuillu arfinillit nakkutigineqartut, Michael Petterson, ippassaq paasissutissiivoq. Taamaammallu covid-19 tuniluuppallaarunnaariartortoq taanna isumaqarpoq.

Piiaaffimmi sulisut misissortinnermi ersiuteqanngippata ilaquttaminnut tikeraarsinnaalissapput.

Nunavut tamakkerlugu kuultisiorfimmi Hope Bayimi, taamaallaat maanna coronavirusertoqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat