Nunavummi inuussutissat akisuallaaqaat
Innuttaasut amerlanersaannut akisuallaarujussuarput, kinguneralumi aamma ajorluinnarluni. Meeqqammi inuusuttullu 20-it inorlugit ukiullit 70%-iisa nerineqaratik imaluunniit peqqinnanngitsuinnarnik nerisaqarlutik innartarneri ilimagineqarpoq.
Ajornartorsiu taanna marlunnik peqquteqarpoq; inuit piniariartarunnaarsimapput inuminertorunnaarsimallutillu, piniariarnissaminnut piffissaqannginnamik imaluunniit piniariarnissaq akisuallaaqimmat
Peqqutaasut aappaat tassaavoq Canadami naalakkersuisut inuussutissat akiinut tapiissuteqartaraluarmata, tapiissutilli atuisunit iluaqutigineqarnersoq imaluunniit niuertarfiutillit piinnartarneraat nalornissutigineqarpoq.
Naalagaaffiullu tapiissutigisartagaata sumut pisarnersut naalagaaffiup kukkunersiuisuata maanna misissortussanngorpaa.
Leesee Papatsie, akit qaffasippallaarujussuarnerinut siorna akerliussutsimik takutitsinerni siuttuusoq, aviisimut Globe and Mailimut ima oqarpoq:
- Nutaarsiassatsialaavoq, naalagaaffiummi tapiissutai tamatsinnut iluaqutissanngortinneqartarnersut nalunarput, Leesee Papatsie Iqalunneersoq oqarpoq.
