Nunavummi innutaasut ataatsimiitinneqarput uranimik piiaasoqalersinnaaneranik
Nunavummi nunaqarfinni arfineq pingasuni innuttaasut sapaatit akunnerini tulliuttuni marlunni ataatsimiitinneqassaaput.
Uranimik piaasoqalissagaluarpat innuttaasunik tusarniaanissap qanoq iluseqarnissaa innuttaasut ataatsimiitinneqartarneranni tusarniarneqartassaaq.
Uran-imik piisoqalerpat iluseriumaagassa nunaqarfinnut aammalu avatangiisinut sunniutigisinnaasai pillugit tusarniaanissaq ingerlanneqarumaarnersoq, inuttaasut ataatsimiitinneqartarneranni oqaluuserineqartassalluni. Uran-imik piiaaffissatut siunniunneqartoq Qamanittuap eqqaaanittoq sananeqarpat, allat piiaaffissatut siunniunneqartut qulit piaaffittut sananeqassapput pilersaarut taaguuteqartinneqarluni Kiggavik. Uran-imik piianissamik suliniut Kiggavik uran-imik piaanermik suliaqartunit Franskiusunit Areva-mit aqunneqarpoq.
Uran-imik piiaanissamik suliniut Kiggavik aallartinneqarpat 7.500 millioner koruuninik akeqartussatut naatsorsuutigineqarpoq.
Uran-imik piaanissamik pilersaarut pillugu naggueqatigiit Inuit 80-it isumaannik tusarniarneqarput. Taakkua affaat 40-it uranimik piiaanissamut akerliullutik nalunaarput, tuttut ingerlaarfiisa kuuillu akornuserneqarnissaat ernummatigigamikku. Isumasiorneqartut affaat uranimik piiaffeqalernissamut tapersersuipput, suliffffinnik nutaanik pilersitsissammat, Canadami tusagassiuutinik suliffeqarfik nalunaarpoq. Tusarniaaq ukioq 2011-imi aallartittussasoq Canadami KNR-ip ilanngutassiortua Marianne Stenbæk allappoq.