Nunavummi imminut toquttartut amerlavallaarnerujussuat pillugu tusarniaanerit aallartinneqalerput
Nunavummi siorna 2013-imi 45-it imminnut toqupput, tassalu Canadap sinneranut sanilliullugit 13-eriaammik amerlanerusut imminut toqupput.
Misissuisitsinermi paasineqarpoq imminut toquttartut tassaanerusartut angutit, 16-init 24-nut ukiullit, suliffeqanngitsut, ilinniagaqanngitsut katissimanngitsullu.
Nakorsaq Padma Suramala, Nunavummi imminut toquttut amerlavallarnerannik misissuinermik suliaqalersoq, tusagassiorfinnut sapaatip-akunnerani uani oqarpoq, ajornartorsiut pillugu tusarniaaneq maanna aallartinniarlugu.
Siorna pisut alianartut ilagaat, ernutaasup imminut toqunnerata kingorna aanaajusoq imminut toqummat. Ernuttami imminut toqunnerata kingorna aliasulluni imminnut toqunnissani toqqarsimavaa.
Nunavummi imminut toquttarnerit pinaveersaartinneqarnissaanut suliniummik pisortatigoortumik 2011-mi aallartitsisoqarpoq.
Nunaqarfinni mikinerusuni pinaveersaartitsinermik suliaqartunik amigaateqartoqarpoq, taamaattumik ikiuiniartarnerugaluaq kingusinaarunneqartarpoq.
Leona Aglukkaq Nunavut sinnerlugu Canadami naalakkersuisunut ilaasortaq, Nunavummi imminut toquttartut amerlavallaarnerat alianarluinnartuusoq oqarpoq.
