Nunavummi arnat Canadap sinnerani arnanut allanut naleqqiullutik 2004-mi meeqqiornerupput, arnallu inuusuttuaqqat Canadap sinnerani peqatiminnut naleqqiullutik meeqqiornerusarput. Nunavummi arnaq meerartaaqqaaraangami agguaqatigiissillugu 24-nik affarmillu ukioqartarpoq. Canadap sinnerani meerartaaqqaartoq 29-nik affarmillu ukioqartarluni.
Nunavummi 2004-mi ernisut 100-uugaangata 24-t 15-iniit 19-inut ukioqartarput. Ernisunilu 100-ni 13-iinnaat 30-t 34-illu akornanni ukioqarput.
Arnat inuusuttuaqqat naartusartut erninerlunnissaminnut qaninnerusartut paasineqarsimavoq.
Nunavummi meerarpassuit oqippallaarlutik, siusinaarlutik Canadallu immikkoortortaani allami ernisartut, Nunatsiaq News allappoq.