Nunanit allanit

Nunavumi umiiarnikup HMS Terroriunera uppernarsarneqartoq

Umiarsuup HMS Terrorip 1848-mi umiusup sinneri Nunavuup sineriaani septembarip qaammataata allaartinnerani nassaarineqarnerat Canadami naalakkersuisut uppernarsarpaat.

Allattoq Anton Gundersen Lihn

septembarip 28-at 2016 06:41

Nutserisoq Jaaku Lyberth

Canadami nunat eqqississimatitat pillugit immikkoortortaqarfiata Parks Canadap ilanngullugu nalunaarutigaa, umiarsuup HMS Terrorip sinnerisa oqaluttuarisaanermi pingaaruteqartunik imaqartut pigineqarnissaannut naggueqatigiit Inuit Nunavumiittut suleqatigilluinnarneqarumaartut.

Umiarsuaq HMS Terror, umiarsuaq alla ingerlaqatigalugu Sullualukkut 1848-mi ingerlaarniartillutik umiupput, issittumi ilisimasassiortumit Sir John Franklinimit siuttuuffigineqartumit.

Franklinip umiarsuaannik ujaasinermi taakkualu nassaarineqarneranni, naggueqatigiit inuit pingaaruteqarsimapput.

Aamma atuaruk Ukiut 168-it matuma siorna umiiarnikoq nassaarigaat

Canadamilu naalakkersuisut oqarnerat naapertorlugu umiarsuit nassaarineqarnerisigut, Canadap avannarpasinnerusortaannut soqutigininneq ajunngitsumik sunniuteqarsimasoq tamannalu Nunavummi takornariartitsinermut aningaasarsiornikkullu ineriartornissamik immikkut illuinartumik sunniuteqarsinnaasoq.

Nunavut Canadamilu naalakkersuisuit suleqatigiinnerat, taakkua imminnut ataqatigiinnerannut nukittorsarneqarnissaannut periarfissaalluartuusoq, Canadami naalakkersuisut taama allapput.