Nunavumi inuit namminneq TV-kanaleqalissasut Northern Newsimi allaaserineqarpoq.
Pilersitsiniarput Iglulimmi angerlarsimaffillit ingerlatseqatigiit Isuma Productions. TV-kanalissaq nutaaq atserniarneqarpoq Nunavut Independent Television.
Pilersitsiniartut oqaatigaat pilersitsinissaminnut pissutaasoq isiginnaagassiat Inuktitut oqaasertallit ikippallaarnerat. TV-qarfik aallaqqaammut Iglulimmiugallartoq ullormut akunnerni sisamani aallakaatitsisarusuppoq aamma internetikkoortinneqartartussanik.