Nunavumi Paul Ukaliq annakannajaarpoq

Akitsinni Nunavumi inatsisartunut ullumi qinersineqarnerani qinigassanngortittut amerlanerit kissaatigaat maannamut siulittaasup Paul Ukallup taarserneqarnissaa.
oktobarip 27-at 2008 15:04

Paul Ukaleq 1999-imi siulittaasunngormalli naammagineqarsimanngeqisoq maanna annakannajaartinneqarpoq.

Nunavumi namminersornerulersimanerup ineriartornera ilimagisamit arriigineqarpoq. Assersuutigalugu Paul Ukallup oqartussaaffeqarfinnik siammaaniarsimanerigalua iluatsinngitsoorsimavoq. Siunniunneqaraluarpoq allaffissornermi atorfiit inoqarfinnut siammarnissaat. Paasinarsisimavoq sulisut inoqarfinnut minnernut nuukkumanngitsut, aammali aaqqissuusseriarnerit piviusunngortinneqarsinnaasimannginneri.

Nunavumi inatsisartunut qinigassanngortittut ilaat Joe Sikiaktuk oqallisaaleqisumik, assortuussutaalersumillu siunnersuuteqarpoq Nunavumi nukissiorfiliornermi urani ikummatigineqassasoq, taamaasillunimi Nunavumi inoqarfiit tamaasa innaallagissamik akikitsumik pilersorneqalersinnaammata, maannami ikummatissat imerpalasut iluaqutigalugit innaallagissiorneq akisoreeqimmat.

Paul Ukallup qineqqusaarnermini nalunaarutigaa qineqqinneqassaguni naalakkersuisut siulittaasuattut ingerlaannarusulluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq