Nunavumi nannutassat ikilipput

Nunavumi nannuttassiissutit ikililerneqarput, nannunik misissuinerit nutaat takutimmassuk nannut ilisimaneqareersunit ikinnerujussuunissaat ilimatsaanneqarmat, Canadami Cnews tusarliussivoq.

-Piniartut siornatigumut naleqqiullutik nannunik takukulaneruleraluartut, tamanna nanoqarnerulersimanissaanik paasineqassanngilaq, biologi Nick Lunn, nannunik ilisimatooq nannut pillugit ataatsiisitsinermi oqarpoq.

Silaannaap allanngoriartorluni issaasannerulerneratigut avataata sikuata tiffarsimanera nannut sinerissamut qaninniarnerulersimanerannik kinguneqartoq ilisimatuut nannut pillugit ataatsimeeqatatigiittut naliliipput.

Nannut pillugit ataatsimeeqatigiinnermi nunatsinni piniartut Nunavumi piniartunit ukioq manna nannutaqarnerusimanerat aamma saqqummiunneqarpoq. Tamanna pillugu Nunavumi nannut aamma ikilisimanissaat ilimagineqarpoq.

Nunavumi qammatip matuma siuliani nannutassat pingasoriaammik amerlineqaraluarput 518-nngorlutik, nannuttassiissutillu ikilineqarmata pisassiissutit isumaqatigiinniutigineqaqqissapput.