Nunavumi naalakkersuisut siulittaasuat tunuaqquneqarpoq

Nunavumi naalakkersuisut siulittaasuat Paul Okalik, juunip qaammataani Labradorimi nereqatigiilernermi, Nunavut allattoqarfiisa ilaanni pisortaq nikanarsarlugu oqarsimareerluni, siulittaasutut tunuarnissaa kissaatigineqarpoq, inatsisartullu immikkut ittumik ataatsimiisinneqarnissaat sukkanerpaamik pisariaqartoq, nikanarsagaasimasutut misigisimasut isumaqarput.

- Arnanut nikanarsaasarneq akuersaarneqarsinnaanngilaq, taamaammat Nunavumi inatsisartut piaarnerpaamik ataatsimiisinneqartariaqarput, Tagak Curley, inatsisartuni allaffissornermi pisortaqarfimmi pisortaq taama oqarpoq. Aamma Nunavut-mi arnat peqatigiit isumaqarput, Paul Okalik Nunavut-mi naalakkersuisut siulittaasuattut tunuartariaqartoq.

Nunavumi inatsisartuni ilaasortat sulinngiffeqarrapput, immikkullu ittumik ataatsimiisinniarnissaat ilungersunarsinnaasoq, ajornarnavianngitsorli, inatsisartuni ataqatigiissaarisoq, Tony Rose oqarpoq.