Nunavumi naalakkersuisunut ilaasortat nunatsinnut tikeraalersut

Nunavummi naalakkersuisunut siulittaasoq Peter Taptuna aamma ilinniartitaanermut naalakkersuisoq Paul Quassa Nuummut ullumi tikissapput tallimanngorpallu aallaqqissallutik.
Allattoq Thora H. Nielsen
juunip 30-at 2014 09:17

Tikeraat nunatsinniinnerminni Naalakkersuisut siulittaasuannik Aleqa Hammondimik aamma Aalisarnermut, Piniarnermut Nunalerinermullu Naalakkersuisumik Finn Karlsenimik kiisalu Royal Greenlandimeersunik ataatsimeeqateqassapput.

Nunatta Nunavullu suleqatigiinnerisa nukittorsaqqinneqarnissaa siunertarineqarpoq. Suleqatigiinnissamillu isumaqatigiissut ukioq 2000-imi atsioqatigiissutigineqarpoq.

Nunat ingerlatsisuisa aningaasaqarnikkut isumalluutitigullu ineriartorneq, aalisarnikkut piniarnikkullu suleqatigiinneq, ilaatigut EU-p puisit amiinik nioqqutissianik eqqusseqqusinnginnera kiisalu aatsitassat pillugit ilinniartitaanikkut suleqatiginnerup nukittorsarneqarnissaa oqaloqatigiissutigissavaat.