Nunavumi mitit kolerartut

juulip 26-at 2006 10:33

Nunavumi illoqarfiit pingaarnersaata Iqaluit 715 kilometerinik kujataata kitaani, qeqertap Southampton Islandip timmiaqarfissuani mitit manniliortut maannamut 1500-it kolaramik toqquteqarsimapput

Canadami nutaarsiassaqartitsivik CBC tusarliussivoq.

Qaammatini marlunngulersuni Nunavut kujataata kippasinnerusortaani miterpassuit suna pissutigalugu toqorarnerat ilisimatuunit paasiniarneqarsimavoq, kolerallu toqorarnermut pissutaanera, uppernarsillugu maanna paasineqartoq, Canadami uumasunik nujuartanik sullissiveqarfimmeersoq Grant Gilchrist CBC-mut oqarpoq.

Gilchrist oqarpoq mitit kolerarnerat ukiut marluk matuma siornagulli tuniluutilersimasoq, sumerpiaq aallartinnersoq suli paasineqanngitsoq.

- Qeqertami timmissat ineqarfianni miterpassuit toqorarsimasut naajanillu nerisarineqarsimasut takussaapput, kolerallu timmisaqarfinnut allanut tunillaatilernissaa ernumarsimmat, koleramik unitsitsiniarnissamut Nunavumi inoqarfiit maanna suleqatiseraagut, Grant Gilchrist oqarpoq.

Nunavut avataani mitit koleramik nappaataat inunnut tuniluussinnaanngitsoq, timmissallu nappaasuannut kangianeersumut attuumassuteqanngitsoq, taamaattorli timmiarussanik napparsimasorisanik nerinngikkaanni pitsaanerusoq Grant Gilchrist CBC-mut oqarpoq.