Nunavumi meeqqat peqqinnartunik nerisaqarpianngillat

Meeqqat naatitaminernik ullormut nerisartagaat pingasuunngillalluunniit - ullormut pingasuunatik qaammammut pingasuullutik. Misissuinerup Nunavut kangiani Arviami ingerlanneqarsimasup aamma takutippaa, akilernermiut meerartaat najukkami nerisassianik, inuminernik, aamma nerisaqarpianngitsut - soorlu tuttup neqaanik aalisakkanillu.

Ilisimatuut ilaata, Shirley Tagaliup, misissunerup inernera quarsaarnartutut oqaatigaa.

- Misissuinerup inerneri quarsaarnarluinnarput. Meeqqat atuartut amerlanersaat sapaatit akunneranut ataasiarlutik tuttutortarput, qaammammulli ataasiaannarlutik aalisagartortarlutik, Shirley Tagalik oqarpoq.

- Aamma naatitartorpianngillat - qaammammut naatitamerngit pingasut ataallugit. Grøntsagit aamma sapaatit akunneranut ataasiaannarlutik nerisarpaat, ilisimatooq nassuiaavoq.

Nunavumili meeqqat fast foodinik nerilluartuupput. Ilisimatuullu misissuinermi naalagaaffiup aningaasaliiffisimasaanik ingerlatsisup qularutiginngilaa, kinguaariit nutaat ilarpassui inooriaatsip nassatarisaanik nappaateqalerumaartut, soorlu sukkorlutik.