Nunavumi inuusuttut qarasaasialerinermik ilinniartinneqartut
Peqatigiiffik Pinnguaq qarasaasiatigut teknologimik nutaamik ineriartortitsinermut ilinniartitsinermut atugassanik otte millionit koruuninik pissarsivoq.
Canadami ilisimatusarnermut teknologimullu ministereqarfiup 250 millioner koruunit meeqqat atuarfiinut agguaateqqammerpai siunertaralugu teknologi pillugu pitsaanerusumik ilinniartitsinissaq.
Peqatigiiffik Pinnguaq koruunit 8 millionit atorlugit Nunavumi nunaqarfinni 15-ini akunnerit 100-it atorlugit atuartitsisinnaalerpoq.
Atuartitsinerit meeqqat atuarfiini imalunniit qarasaasialerisut peqatigiiffiini ingerlanneqartassapput.
Atuartut peqataasut tamarmik akeqanngitsunik ilinniutitalinnik allanillu atortulinnik angallattakkamik qarasaasiartaassapput, suungiffimminni aamma sungiusartarniassagamik.
Atuartut digitaliusunik ilusilersuinissanut ilaatigut ilinniartinneqassapput, videonillu pinnguaatinik nutaanik torlussortunik allanillu kulturikkut naleqquttunik imalinnik ineriartortitsillutik.
Pinnguaq 2013-imi Pangnirtuuni atuartitsisalersimavoq, maannalu ilinniartorisimasaasa siulliit ilai teknologilerinermik suliffeqarfinni sulilereersimapput.