Nunavumi innarluutillit tusaaneqarumapput
Nunavumi innarluutillit – tappiitsut tusilartulluunniit – ulluinnarni inuunerminni ilungersortarnertik qatsuppaat. Akuerineqarusupput ikiorneqarusullutillu.
Peqatigiiffik, Nunavummi Disabilities Makinnasuaqtiit Society, iluaqutsiullugu innarluutillit sivisuumik isiginngitsuusaarneqarsimanerat saqqummiuppaat.
- Aporfippassuaqarpugut, assersuutigalugu angallannermi, ilinniartitaanermi, attaveqarnermi peqqinnissaqarfimmilu kiffartuunneqarnitsinni aporfeqartarpugut, ataatsimiinnermi peqatigiiffiup aallartitaasa ilaat, Jessie Idlout Nunatsiaq Newsimut oqarpoq.
Aallartitaq alla angummi atisalersornermini ikiortissaminik noqqaassarnera eqqaallugulu qissasiinnarpoq.
Peqatigiiffiup maanna sulissutiginiarpaa, Nunavumi tamarmi innarluutillit qassit ikiorneqarnissaminnik pisariaqartitsinersut misissortissallugu.
