Nunavumi imminortarnermik misissuineq

Akilinermi Nunavummi inuit imminortarnerat pillugu annertuumik misissuineq aallartippoq.

Nunavummi inuit imminortarnerat pillugu misissuineq ukiuni tallimani tulliuttuni ingerlanneqassaaq, misissuinermilu inuit qanimut peqataatinneqassapput, ilaatigut imminorsimasunut imaluunniit imminoriarsimasunut ilaqutaassut kiisalu imminoriarsimasut.

Kiisalu imminorsimasut 100-it oqaluttuassartaat aamma katersorneqassapput.

Nunavummi kommuneqarfiit nunallu immikkoortui misissuiffigineqassapput, missuinissamik aqutsisuussaaq McGill University-mi tarnip pissusaanik immikkut ilisimasalik Gustavo Turecki.

Misissuinissami Nunavut Namminersornerullutik Oqartussaat, Nunavut Tunngavik Incorporated kiisalu Inuit kattuffiat The National Inuit Councel peqataasitaqassapput.

Imminortarneq pillugu misissuinissarsuarmi paasiniarneqassaaq sooq Inuit imminortarnersut, tamanna nunatsinnisulli akilinermi ajornartorsiutaammat annertooq.

Inunnik apersuineq Nunavummi Eqalunni ukiortaariitsiarpat aallartissaaq.

Nunavummi siorna 27-it siornaallu 34-it imminorsimapput.