Nunavumi ilinniaritsisut ilinniarsimasut 200-it amigaatigineqarput
Ilinniartitsisut naggueqatigut qallunaatut inuktitullu oqaasillit 200-it amigaatigineqarput. Naggueqatigiit inuit suliniaqatigiiffiat Nunavut Tunngavik Inc. NTI-imik naalisarneqartartoq isumaqarpoq, ilinniartitsisunngorniarnermi piumasaqaatit annertuppata, ilinniartitsisunngorniarsinnaanermut piumasaqaatit annikillisinneqartariaqartut. Misissuisitsinerit kingulliit takutippaat ukioq 2020 nallertinnagu ilinniartitsisunik perorsaasunillu ilinniarsimasunik 200-it pisariaqartitsisoqartoq.
Suliniaqatigiiffiup NTI-p ilinniartitsisut perorsaasullu atorfissaqartinneqartut tamakkerlugit 2020-imi sulilersinnissaannut utaqqinianngilai.
Ilinniartitsisunngorniarluni ilinniartitaanerup sivikillineqarnissaa piumsarineqarpoq, Nunavumi ilinniartitaanermut naalakkersuisoq Ed Picco NTI-ip siunnersuutaanut isumaqataanngilaq.
Ilinniartitsisut sapinngisamik ilinniarluarsimasuusariaqarput, ilinniarnertuunngorniarfinni ilinniartitsisinnaasunngortariaqarmata, Ed Picco nutaarsiassaqartitsivimmut Nunatsiaq New-imut oqarsimavoq. Inuusuttut ilinniartitsisunngorniarniissaannut kajumissaaraluni Ed Picco ukiormanna paasisitsiniaaniarpoq,
Ilinniartitsisut akissarsiaasa iluarsiivigineqarnissaaat eqqarsaatinut ilaavoq. Ilinniartitsisut inuktitut tuluttullu oqaasillit allanut suliffisarsiortarput, suliffinnut akissarsiarissaartitsinerusunut.