Nunavumi ilaqutariit inissaaruttut
Tassa naggueqatta Nunavummiut ilaat inissaqarniarnikkut kiisalu piitsuussusermik annertuumik ajornartorsiuteqarput.
Veronica Atagoyuk arnaq inuusuttoq marlunnik qitornalik uinilu inissaarukkamik Eqaluit sissaanni queerannguamut usseeqisumut tukimut 3 meterisut sanimullu 2 meterisut angissusilimmut, qaammatit pingasut matuma siornatigulli auliffeerukkamik akissaarullutillu oqqiffissarsiortariaqarsimapput, ullumikkullu suli najorlugu. Eqalunni massakkut ulluunerani 25-inik issittarpoq anorsaritsillugulu 40 qaangerlugit ississinnasarluni.
Ilaqutariit issittumi kiassassimaarniarlutik ikummatissamut ullormut 175 koruunit missaannik aningaasartuuteqartarput, inigisaallu qui usseeqigammat inuttaasa ulissiaalunnik qallersorsimavaat.
Veronica Atagoyuup angajullequtaa aqqanilinnik ukioqarpoq nukarlerlu 16-inik qaammateqarluni.
Inissaqarniarnikkut inuuniarnikkullu annertuumik maanna ajornartorsiornertik pissutigalugu Veronica Atagoyuk Nunatsiaq Newsimut oqarpoq juullernissaa meeqqatillu eqqarsaatigalugit juullimut kissaatini ataasiinnaasoq, tassalu ikiorneqarnissaq.
