Nunavumi atuarfiit nakkutigineqalerput
Nunavumi meeqqat atuarfiini aserorterisarnerpassuit ikuallatsitsisarnerpassuillu akiorniarlugit nakkutilliissutinik videokameranik ikkussuisimasut, nuataarsiassaqartitsivimmit CBC-mit oqaluttuarineqarpoq.
Nunavumi atuarfeqarfiit 46-uusut nakkutilliissutinik ikkussuiffigineqarpata Canadamiut dollariinik millionit missaanniittunik naleqassapput, taakkualu aningaasat kr.-nngorlugit 4,5 mio. kr-nit missaanniipput.
Kameranik nakkutilliisussanik ikkussuineq aalajangerneqarpoq, Eqalunni Repuse Bay-milu atuarfiit ilaanni ikuallatsitsisoqareersorlu.
Kamera-nik nakkutilliisussanik ikkussuinissaq pillugu atuarfeqarfiit politiinik inatsisilerituunillu oqaloqateqarsimapput.
Kamera-nik nakkutilliisussanik ikkussuisoqarnissaani atuartut nakkutigineqarnissaat pineqanngitsoq oqaatigineqarpoq, unnuamili aturfiit matoqqanerisa nalaani nakkutilliisarnissaq pineqarluni.