Nunavimmi utoqqaat ullumikkut nalliuttorsiutigineqassapput

Kativimmi naalakkersuisut aamma Nunavimmi peqqinissaqarfik suleqatigiillutik Nunavimmi utoqqaat ullumi oktobarip ulluisa aallaqqaataani siullermeerluni nalliuttorsiutigineqarnissaat aaqqissorpaat.
Allattoq Marianne Stenbæk, Montreal, Canada
oktobarip 01-at 2015 08:55
Nutserisoq Jaaku Lyberth

Utoqqaat ulloqartinneqarneranni qulequtaritinneqarpoq "peqataatinneqanngikkutta pissarsiaqarfigisinnaanngilarput".

Nunaqarfinni utoqqarnut assigiinngitsunik aaqqissuussisoqarpoq, aamma Quebecimi radioqarfimmi Tagramiut Nipingani utoqqaat inuunertik aammalu utoqqalilluni qanoq misigisimanarnersoq pillugu sianerlutik oqaluttuarisinnaavaat.

Utoqqalilluni unammillernartut aamma ajornartorsiutit pillugit oqaluttuarsinnaallutik.

Oktobarip ulluisa aallaqqaataat utoqqarnut ulloritinneqassasoq Naalagaaffiit Peqatigiinni 1990-imi aalajangiunneqarpoq.

Utoqqaat ulloqartinneqartarnerat Nunavimmi ukiuni kingullermi arfinilinni malunnartinneqartarpoq.

Nunatsinni Naalakkersuisunut siulittaasoq Kim Kielsenip Nuummi utoqqaat innarluuteqartullu najugaqarfianni Ippiarsummi najugaqartunit ataasinngornermi pulaarneqarpoq.

Naapeqatigiinnermi Ippiarsummiut utoqqaat innarluuteqartullu atugaannut tunngasunik Naalakkersuisusut Siulittaasuannut apeqquteqarput akineqarlutillu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq