Nunavimmi toqutsisoqarpoq

Nunavumi angutit pingasut inuusuttut Kuujjuarmi angummik 50-inik ukiulimmik toqutsisimasutut sapaatip akunnerani kingullermi unnerluunneqarput.

Angutit inuusuuttut pingasut 19-inik 22-inik 24-inillu ukioqartut angut 50-inik ukiulik Kuujjuarmi angerlarsimaffianut februaarip aallaqqaataata aappaatalu akornanni unnukkut iserfigeriarlugu sakkortuumik persuttarsimavaat naalliutsillugulu toqqutigisaanik.

Toqutaasoq 50-inik ukiulik Claude Bourget, qaqortumik amilik, Kativiup naalakkersuinikkut immikkoortortaqarfiani Kuujjuarsuarmiittumi ukiuni arlaqartuni sulisuusimavoq.

Angutit inuusuttut Claude Bourget-mik toqutsisimasutut unnerluutigineqartut inuunertik naallugu parnaarussassanngortinneqarnissaat ilismagineqarpoq. Inuunertik naallugu parnaarussaassagunik ukiut 25-it qaangiuppata aatsaat misigummik iperagaasinnaassapput. Nunavumi politiinit oqaatigineqarpoq angutit inuusuttut Bourgep illuanut tillinniarnerat toqutsinermik kinguneqartoq.