Nunavimmi peqqinnissamik misissuineq naammassineqartoq

Nunavimmiut 1300-it misissuiffigineqarmata, nunaqarfiit 14-it tamarmik umiarsuarmik Amundsenimik nakorsanik 40-nik, peqqissaasunik, kigutit nakorsaannik ilaasoqartumik tikinneqarput. Angalaneq sapaatini akunnernik arfineq-marlunnik sivisussuseqarpoq.

Nunaqarfimmiut umiarsuarmi misissorneqarnerisa saniatigut nunaqarfinni inuunerup peqqinnerullu ataqatigiinnerat ilisimasaqarfigilerniarlugu, nunaqarfinni ataasiakkaani isumaginninnikkut aningaasaqarnikkullu pissutsit aamma misissorneqarput.

Misissuinerit Nunaviup nammineq misissuinerigai, taakkulu naggueqatigiinnit Inunnit suliarineqartut inernerilu naggueqatigiit Inuit pigigaat, Nunavimmi peqqinnissamut kiffartuussiviup pisortaata, Minnie Greyip misissuinerup naammassineranut atatillugu oqaatigaa,

- Qanuilirpitaa 2017-ip peqqinnissatsinnik inuunitsinnillu paasinninnissatsinnik ikiussavaatigut. Angalaneq ataaseq maanna naammassivarput, allali nutaaq aallartippoq, Minnie Grey oqarpoq.

Nunavimmiut akornanni aatsaat taama annertutigisumik misissuisoqarpoq. Misissuineq siunissami ineriartortitsinermi toqqammavittut atorneqarumaarpoq.