Nunavimmi niuertarfeqarneq ukiunik 60-inngortorsiortoq

Nunavimmi niuertarfeqarnermik piginneqatigiiffik Ilagiisaq sapaatip akunnerani matumani ukiunik 60-iliisoq nalliuttorsiutigineqassaaq.

- Tamanna ukiut 60-it matuma siorna takorloorneqarsinnaasimanngilaq.

Nunavimmi niuertarfeqarnermik piginneqatigiiffimmi arnani siulliulluni pisortaasoq, Mary Johannes oqarpoq.

Niuertarfeqarnermik piginneqatigiiffik ukioq manna ukiunik 60-inngortorsiorpoq. Ilagiisap Nunavimmi illoqarfinni nunaqarfinnilu immikkoortui katillutik 14-iupput, piginneqatigiiffillu Montrealimilu tuniniaasarfissuaqarluni.

Taakkulu Nunavimmiut aningaasaqarneranut inuunerannullu pingaaruteqarluarsimapput.

- Suleqatigiinnerput ersoqatigiinnerpullu tulluusimaarutigaakka, Mary Johannes oqarpoq.

Ilagiisaq Nunavimmi aningaasaqarniarnermut iluaqutissatut siullertut 1959-imiit arriitsumik aallarnisarneqarpoq. Taamanili ukiut tamaasa ineriartuaalerpoq.

Akunnittarfiit orsussaarniarfiillu

Niertarfeqarnermik piginneqatigiiffik ukiut tamaasa ineriartuinnarsimavoq.

Ilagiisaq Inuit ukkusissamik eqqumiitsuliaannik tuniniaanerup ineriartortinneranut tapersersorneranullu pingaartumik ilisimaneqarpoq. Tamatuma saniatigut nerisassaarniarfinnik, orsussaarniarfinnik akunnittarfinnik allarpassuarnillu ingerlataqarpoq, taamaammallu Nunaviup aningaasaqarniarneranut ulluinnaanullu pingaaruteqaqaaq.

Peqatigiiffik Inunnit Inuktitut oqaasilinnit ingerlanneqartuaannarpoq. 11.000-it sinnerlugit ilaasortaqarpoq, 1100-nillu sulisoqarluni, taamaalilluni Nunavummi namminersorlutik ingerlatsisuni annerpaajulluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat