Nunavimmi meeqqat atugaat ajornartorsiutinit annerpaapput
Nalunaarusiami uppernarsarneqarpoq Nunavimmi meerarpassuit ernguttoqarnerata nalaani kinguaassiuutitigut atornerlunneqartartut. Taamaattumik meerarpassuit unnukkut angerlarnissartik annilaangagisarpaat politeeqarfimmullu oqqiffissarsiortarlutik.
Meeqqat ajornartorsiutaannut angerlarsimaffilunneq pissutaanerpaavoq, tassami inigisani mikisunnguani inuit amerlavallaat najugaqatigiittarmata.
Tamatuma saniatigut siunnersuisartut ilinniagaqarsimasut meeqqanik ikiuisinnaasut amigaatigineqarput.
Quebecip ministeriunerata Jean Charestip ajornartorsiut iliuuseqarfiginialerpaa neriorsuutigalugulu 275-inik nutaanik illuliornissamut, atuarfiliornissamut, sunngiffimmi ornittagassamut sulisunillu meeqqanik isumaginnittussanut aningaasaliisoqassasoq.
Nunatsinni meeqqat piitsut aamma ajornartorsiutaapput.nalunaarusiaq nutaaq, Meeqqat Inuusuttullu Pillugit Ilisimasaqarfimmit ullumi saqqummiunneqassaaq taaguuteqartoq: ”Kalaallit Nunaanni meeqqat piitsuunerat”.
Nalunaarusiaq nalunaarusiat pingasuusussat ”Nunatsinni meeqqat inuuniarnerat”-nik taaguutillit aapparaat.
