Nunavimmi inuusuttut pinerlunniartarnerat annikillisarniarneqarpoq
Inuusuttut Nunavik-miittut pinerlunniartarnerat annikillisarniarneqarpoq, amerlanerpaartaasalu ilinniagaqarnissaat anguniarneqarluni.
Nunavik-milu oqartussaasut, tassa Kativik Regional Government-i naapertussagaanni ishockey-rneq tamatumunnga aqqutissaavoq.
Sports America Online taama allappoq.
aggustip 07-at 2007 17:07
Inuusuttut ishockey-rtinneqarnerannik aqutsisussaq imaannaanngitsorsuuvoq, tassa USA-mi Canadamilu ishockey-rtartoqatigiinni NHL-imi ishockey-rtartuusimasoq Joe Juneau aqutsisuussagami. Taanna ukiut 13-it ingerlanerini ishockey-rtarnermini millionerpassuassuarnik aningaasarsiorsimavoq.
Joe Juneau silaannarsualiartarnernut tunngatillugu ilisimatuujuvoq, maannali tassa inuusuttunik ishockey-rtitsisartussanngorluni:
- Ilinniagaqarsimanissap pingaaruteqassusia inuusuttut ilikkartariaqarpaat. Asuli maaniinngilagut, anguniagaqarlutali maaniilluta, timersornerlu aqqutigalugu tamanna pisinnaavoq, Joe Juneau oqarpoq.
Nunavik-mi inuusuttut ishockey-rtinneqartalernissaat 6 millioni koruunit missaannik naleqassasoq ilimagineqarpoq.
