Nunavimmi illut equjartortut

Illut equjartortut, aqquserngit allanngorartut. Nunavimmi pissutsit taamaapput. Canadap immikkoortortaani Quebec-imi naalakkersuisut ataatsimiititaliaata misissuisitsereerlutik taama inerniliipput.

Tamanna pissutigalugu nunaqarfiit arlallit tikinneqassapput, pissutsillu takuniarneqassallutik.

Silaannaap kissatskkiartornerata malitsigisai takuneqarsinnaapput. Ukiut 15-it ingerlanerini aasaanerani kiannerusalernera maluginiarneqarpoq, ukiuuneranilu tallimat qulit gradit akornanni kiatsinnerusalerluni.

Ataatsimiititaliami siulittaasoq, Claude Pinard, oqarpoq illut nakkaanissaat annilaanngatigigitsik.

- Nunavik Quebec-imut pingaaruteqartorujussuuvoq, taamaammat akisussaaffeqarluta iliuuseqartariaqarpugut. Illut nunamut qeriuaannarsimasumut sanaajupput, allanngorartunngornissaa ilimagineqarsimanngimmat, nunali qeriuaannartup aakkiartulernera kingunerlutsitsivoq, illut equngalersimapput, nakkaariaannaallutillu, Claude Pinard oqarpoq.

Illut annaanneqarsinnaanersut assigiinngitsutigut maanna misilerarneqaleruttorpoq.

Nuna qeriuaannarsimagaluartoq, maannali aakkiartortup qeriuaannartinniarlugu silaannarissaatitut taaneqarsinnaasut maanna misilerarneqaleruttorput.