Nunavimmi aamma namminersornerulissapput

Canadami Naalakkersuisut Quebecimilu pisortat ukiorpasuarni isumaqatiginiarneqareerlutik, namminersornerulernissamut isumaqatigiissutaagallartoq atsiorneqartussanngorpoq. Taamaasilluni nunavimmi Inuit 8700juusut namminersornerulissapput.

Namminersornerulerfiusussaq avannarpasissumi 55 bredegradimiilluni Frankrigimit angineruvoq, isumaqatigiissummullu illoqarfiit nunaqarfiillu 14t ilaapput.

Makivimmi præsidenti Pita Aatami, aammalu immikkoortortami Kativimmi siulittaasoq Maggie Emudluk, Canadami nunat avannarliit pillugit ministeri Chuck Strahl aammalu Quebecimi ministeriuneq, Jean Charest peqatigalugit, sisamanngorpat namminersornerulernissamut isumaqatigiissutissaq

Atsiussavaat.

Atsioqatigiinneq pippat, Kativimmi immikkoortortami Inuit kommuneni aqutsinerni nammineernerulissapput. Napparsimaneqarneq, inunnik isumaginninneq atuarfeqarnerlu nammineq oqartussaaffigilissavaat, taamaasillunilu oqartussaanerulerneq pissalluni.

Taamaasilluni bloktilskudit Canadami naalakkersuisuneersut, Inuit nammineerlutik aqutarilissavaat aningaasaqarnermullu aqutsineq annertooq inuit nammineerlutik ingerlartarilissallugu.

Namminiilivinnissamut isumaqatigiissutissap aappaagu atsiorneqarnissaa ilimagineqarpoq.

Naatsorsuutigineqarpoq Nunavimmi naalakkersuisut 2010 nallertinnagu pilersinneqassasut.