Nunatta USA-mi Sinniisoqarfia Aleqap pisortatigoortumik ammassavaa
Kingorna Washington D.C.-liassaaq, Nunatta USA-mi Sinniisoqarfiata pisortatigoortumik ammarnersiorneqarnerani septembarip 24-ani qaaqqusisuussalluni.
AAMMA ATUARUK USA-mi Sinniisuutitassaq inuttalerneqarpoq
Nunatta Washington D.C.-mi Sinniisoqarfiata ammarneqarneratigut ukiuni aggersuni ilaatigut Amerikap Avannaanut niuernikkut avammut tunisassiornermut iluaqutaassaaq Nunatsinnilu suliffeqarfinnik pilersitsinissap qulakkeerneqarnissaanut Nunatsinni aningaasaliisussanik kajuminnilersitsissalluni, niuerfiusinnaasunik nutaanik nassaarniarnissamut iluaqutaassaluni, USA-lu suleqatigalugu ilinniartitaanikkut ilisimatusarnikkullu suleqatigiinnermut periarfissanik annertunerusunik aammaassinerussalluni.
Nunatta Sinniisoqarfiata Bruxellesimi 1992-imi ammarneqarnerata kingorna Washingtonimi sinniisoqarfik sinniisoqarfiit ammarneqartut aapparaat.
AAMMA ATUARUK Nunarput Washingtonimi sinniisoqarfittaangajalerpoq
Naalakkersuisut Siulittaasuat Washington D.C.-mi tikeraarnermini USA-mi nunanut allanut tunngasunut ministereqarfimmi ataatsimeeqateqassaaq, Issittumilu Admiralitut Issittumut tunngasunik nunallu Issittumiittut allat suleqatiginissaannut USA-p nunanut allanut ministerianit John Kerrymit toqqarneqaqqammersoq Robert Papp naapissallugu.