Nunatta tusagassiuutitigut sammineqarnera iluanaarutaavoq
Nunani tamalaani Nunarput tusagassiuutitigut aallakaatitassiarineqangaatsiartarpoq, tamanna annoncinngorlugulu koruuninik millionerpassuarnik naleqassangatinneqarpoq.
Allattoq Louise M. Kleemann
apriilip 28-at 2009 08:32
Branding Greenlandip 2008-mut nalunaarusiamini nunat tamalaat aallakaatitassiortarnerat 21,5 millionit koruuninut missingersorpaa.
Branding Greenland tassaavoq Namminersornerullutik Oqartussat, Nunatsinni Takornariartitseqatigiiffiup, Air Greenlandip Royal Greenlandillu akornanni suleqatigiinneq, taassumalu Tysklandimi, Tuluit Nunaanni USA-milu nittarsaassisarneq immikkut sammisaraa.
Suleqatigiinnermi nunanut tamalaanut tusagassiuutinut attaveqarneq akuttunngitsumik aaqqissuunneqartarpoq, tusagassiortullu Nunatta avataaneersut amerlangaatsiartut aggersinneqartarlutik, taamaalilluni Kalaallit Nunaata moderniusup, kulturip, pinngortitap, takornariartitsinerup inuussutissarsiornikkullu periarfissat qanoq ittuunerat siammarterneqartarluni.
