Nunatta siunissaa Dronningip pissanngatigaa

Piffiit nutaat nunatsinni aallarteqqajaalerput pisuussutit uumaatsut qallorneqalissappata allanngornerujussuarnik nassataqarsinnaammata. Pissutsit nutaat aamma Issittumi sakkortooqarfimmut maanna Nuummi qullersaqarfeqartumut nutaanik unammilligassaqalersipput.

- Ukiarmi Kalaallit Nunaat tikeraatsiarakku nuannaarutigaara, Savalimmiuni Sakkutooqarfik aamma Kalaallit Nunaanni Sakkutooqarfik kattummata Aasuitsumi Sakkutooqarfik nutaaq Nuummi inissisimasoq pilersinneqarmat. Sakkutooqarfik nutaaq uppernarsaatissaavoq aasuitsumi ineriariartornerup nassataanik unammisassat periarfissallu nutaat pillugit, Dronning Margrethe oqalugiaammini ilaatigut oqarpoq.

- Minnerunngitsumik Kalaallit Nunaanni inuiaqatigiit ineriartornerat eqqarsaatigalugu pingaaruteqarluinnartunik aalajangigassaqarpoq. Tamanna tamatta Avannaaniikkutta Kujataaniikkuttaluunniit isiginiagassaraarput.

- Danmark, Kalaallit Nunaat Savalimmiullu sømilinik tusintilikkuutaanik ungasissuseqaraluarput, Naalagaaffeqatigiinnikkulli ataqatigiippugut oqaluttuarisaanerpullu ataatsimoorfigaarput. Uanga ilaqutakkalu Kalaallit Nunaannut Savalimmiunullu qanittumik ataneqartutut misigiuartarpugut. Taamatut oqaaseqarlunga Kalaallit Nunaanniittunut tamanut Savalimmiuniittunullu tamanut ukiortaami qanilaartumik kissaassivunga inuulluaqqusillungalu, Dronning Margrethe oqarpoq.