Nunatta sermersua uttuut nutaaq atorlugu misissorneqartussanngorpoq

Nunatta sermersuata annertusiartorneranik annikilliartorneranillunnit ilisimatuunit misissoqqissaarneqarnerani uuttuut centimeterialunnguaannarnik uniuilluni naleqqiisinnaasoq atorneqartussanngorpoq. Qaammataasaq CryoSat-imik taaguutilik Europamiut silaannarsualiartitsisarfiata ESA-p septemberimi aallartissagaa, atuagassiami Miljø Danmarkimi allaaserineqarpoq.

Naleqqiilluarsinnaasumik nalunaarsuinissaq sumiissusersiornermi GPS immikkut ittoq atorlugu pisussaavoq. Taamaaliornikkut paasissutissat annertuut eqquilluarsinnaasut, allaat centimeterialunnik uniuisut pissarsiarineqartussaapput. Aamma malussarniutit atorlugit sermersuup aannerani imeq pilersinneqartoq uuttortarneqassaaq, taamaalilluni sermip ingerlanera, portussusiatalu allanngorarnera paasineqarnerusinnaallutik.

- Sermersuup allanngoriartorneranut atasumik pisut assigiinngitsut ilisimasaqarfigeqqalaarpavut aamma paasissutissat katersorniarneri maannamut assut akisusimapput ajornakusoorlutillu, Grønlands Geologiske Undersøgelserimi seniorforskeri Carl Egede Bøggild oqarpoq.

Taamaattumik periuseq atorneqartussaq paasisanik allanngortitsilluinnartunik pissarsinermik kinguneqassasoq Carl Egede Bøggildip ilimagaa.

- Ingerlataq piareersimalerpat sermersuup malunnarluartumik ingerlaarfiini aakkiartorneq ingerlaannartumik uuttorsinnaalissavarput, erseqqissaavoq.

GryoSat-imik uuttortaaneq amerikamiut avataarsualiartitsisarfiata NASA-p qaammataasaata ICESat attaveqarteqarfigalugu ingerlanneqartussaavoq.

ICESat-ip maannamut uuttortaasarnera 10 centimeterit iluini nikingassuteqartarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat