Nunatta qeqqani takornariaqarneq eqqornerlugaassaaq

- Naalakkersuisut angallannermut pilersaarutaata nutaap qeqqani takornariaqartitsineq annertuumik eqqussavaa.

Taama oqarpoq Sisimiuni takornariaqartitsinermut pisortaq, Mikkel Goul Nielsen, qeqqani kommunit, Nuuk, Maniitsoq Sisimiullu suleqatigiiffiat, Destination Midtgrønland, sinnerlugu.

Mikkel Goul Nielsen isumaqarpoq, umiarsuarmik angallassinerit takornariat nunatta qeqqanut tikeraarnerannut pingaaruteqarluinnartoq:

-Maani qeqqani takornariaqarneq eqqarsaatigalugu kujataani avannaanilu illoqarfiit anginerit tikinneqartarnerat pinngitsoorsinnaanngilarput, tikeraarpassuit kujataaneeriarlutik avannaaneeriarlutilluunniit maanga qeqqanut sinersortarmata. Sinersortaatinullu ilaasarput tamanna akikinnerummat. Illoqarfiit anginerit orninneqartartut kisimik tikinneqartalissasut isumaqarpunga, illoqarfiit allat tikinniarlugit akisunerujussuanngortussaammat, Sisimiuni takornariaqartitsinermi pisortaq Mikkel Goul Nielsen oqarpoq.

Angallassinermut pilersaarut nutaaq naapertorlugu, tikeraanik qeqqanut tikititsisoqassagaanni allatut iliortoqartariaqartoq Mikkel Goul Nielsenip nalilerpaa.

Mikkel Goul Nielsen-ilu isumaqarpoq, timmisartuussinerit qeqqanut takornariartitsisarnissanut naleqquppaallaanngitsut, timmisartukkut aqqutit amigarnerat peqqutigalugu.

Neriuutigaalu sinersortaateqarneq niuernikkut ingerlanneqarsinnaassasoq, qeqqani umiarsuakkut angalasinnaaneq periarsissaajuarniassammat.

Mikkel Goul Nielsen-ip ajuusaarutigaa Arctic Umiaq Line-p tuniniarneqarnera massakkut saqqummiunneqarmat, aappaagumummi takornariaqartitsinissamik tuniniaaneq aallartisarneqaleruttormat. Pitsaanerutikkaluarpaa naalakkersuisut siusinnerusukkut pilersaarutitik saqqummiussimassagaluaraat, Destination Midtgrønland-ip siunissami periarfissanik ujarlersimassagaluarmata.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat