Nunatta qaqqai ilisimatusartunit aasaru ulappuffiussapput

Nunatta qaqqarsuini ukioq-manna inunnik aalaaluttunnguaqassaaq. Ilisimatusartut, taakkulu angalaarneranni piareersaallutilllu aqutsisussat, katillugit 130-t missaat qaqqasiussapput, Kalaallit Nunaata kangianiit kimmut, kujataaniillu avannamut.

Kalaallit Nunaanni ilisimatusarnissamut suliniutit assigiinngitsut 27-t ukioq-manna pilersaarutaapput. Ilisimatusarfiginiakkat assigiinngeqaat, soorlu: Ujarassiuut misissuisarneranniit nunap assiliornerit, uuliamik misissuinerit, qaqqani innermik anitsisarfiusimasuni najugaqarfiusimasut sermersuaqarnerata nalaani kiviorarsimasut misissorneri kiisalu silaannaap kissatsikkiartorneranut atatillugu sermersuarmut sunniutit misissorneri.

Imermik sermersuarmeersumik puiaasanut poortorlugit nioqquteqartalersinnaaneq siunertaralugu misissuinissamik Namminersornerullutik Oqartussat aamma inniminniisimapput. Taamaattumik ilisimatuut tallimat Danmarkimi Kalaallit Nunaannilu ujarassiuutut misissuiffimmeersut sumiiffinni pingasuni aasaru juulimi aggustimilu misissuissapput, misissussallugu imermik sermersuarmeersumik tunisassiorfiusinnaanerat periarfissaqarnersoq.

Pilersaarutit tamakku tamarmik uani takuneqarsinnaapput www.geus.dk.